আমাৰ গাঁও - পাঠ ৩ - তৃতীয় শ্ৰেণী - Amar Choupashor Paribesh_class III_Assamese 2026

পাঠ ৩

আমাৰ গাঁও

কওঁ আহা -

তোমালোকৰ বিদ্যালয় আৰু পদুমনি গাঁৱৰ বিদ্যালয়খনৰ মাজত কি কি পাৰ্থক্য দেখিছা ?

উত্তৰ: পদুমনি গাঁৱৰ বিদ্যালয়খন গাঁওৰ পৰিৱেশত অৱস্থিত আৰু তাৰ চাৰিওফালে সেউজীয়া গছ-গছনি আৰু খোলা ঠাই দেখা যায়। আমাৰ বিদ্যালয়খনৰ পৰিৱেশ ইয়াৰ পৰা কিছু বেলেগ। আমাৰ বিদ্যালয়ত অধিক শ্ৰেণীকোঠা, পুথিভঁৰাল, খেলপথাৰ আদি থাকিব পাৰে। দুয়োখন বিদ্যালয়তে ছাত্ৰ-ছাত্ৰীয়ে পঢ়া-শুনা কৰে।

ক্ৰিয়া-কলাপ ১

পদুমনি গাঁৱত আৰু তোমালোকৰ গাঁও/চহৰ/নগতখনত কি কি অনুষ্ঠান-প্ৰতিষ্ঠান আছে তলৰ তালিকাখনত লিখা -

উত্তৰ:

ক্ৰমিক নং	পদুমনি গাঁৱত থকা অনুষ্ঠান-প্ৰতিষ্ঠান	আমাৰ গাঁও/চহৰ/নগৰত থকা অনুষ্ঠান-প্ৰতিষ্ঠান
১	বিদ্যালয়	বিদ্যালয়
২	পুথিভঁৰাল	চিকিৎসালয়
৩	ডাক-ঘৰ	ডাক-ঘৰ
৪	চিকিৎসালয়	আৰক্ষী থানা
৫	আৰক্ষী থানা	পুথিভঁৰাল
৬	ধৰ্মীয় অনুষ্ঠান	বেংক
৭	গাঁও পঞ্চায়ত	গাঁও পঞ্চায়ত/পৌৰসভা

ক্ৰিয়া-কলাপ ২

শিক্ষকৰ সহায়ত তলৰ ছবিত দেখুওৱা ধৰ্মীয় অনুষ্ঠানকেইটা চিনাক্ত কৰি নামবোৰ খালী বাকচত লিখা -

উত্তৰ: 

১৷ মন্দিৰ ৷

২৷ মছজিদ

৩৷ গীৰ্জা 

৪৷ গুৰুদ্বাৰ

ক্ৰিয়া-কলাপ ৩

সাঁথৰ ভাঙা -

কিতাপ আছে শাৰী শাৰী 

নহয় কিন্তু পঢ়াশালী,

গল্প, কবিতা, ছবিৰ কিতাপ 

কত আছে আলোচনী ৷

সাঁথৰটোৱে কোনটো অনুষ্ঠানক বুজাইছে ?

উত্তৰ: সাঁথৰটোৱে পুথিভঁৰাল অনুষ্ঠানক বুজাইছে।

লিখোঁ আহা - 

➢ তোমালোকে বাস কৰা গাঁও/চহৰ/নগৰখনৰ নাম কি ?

উত্তৰ: 

➢ তলৰ কোনবোৰ সুবিধা তোমালোকৰ গাঁও/চহৰ/নগৰখনত আছে -

পকী পথ, বিজুলী-বাতি, খোৱা পানী, চিকিৎসালয়, ডাক-ঘৰ, পুথিভঁৰাল

উত্তৰ:

কওঁ আহা -

ছবিখন চোৱা আৰু ছবিখনত কি কি দেখিছা কোৱা ৷

উত্তৰ: মই ছবিখনত দেখিছো - 

বিল্ডিং আৰু প্ৰতিষ্ঠানসমূহ:

(ক) বাওঁফালে এটা চিকিৎসালয় (হাস্পতাল) আছে, য'ত ১০৮ নম্বৰৰ এটা এম্বুলেঞ্চ থিয় হৈ আছে ।

(খ) তাৰ কাষতে এটা শ্বপিং মল আৰু এটা বেংক (Bank) আছে ।

(গ) ইয়াৰ লগতে আন বহুতো বহুতলী ভৱন আৰু দোকান-পোহাৰ দেখা গৈছে ।

ৰাস্তাৰ দৃশ্য আৰু মানুহ:

(ক) এজন ব্যক্তিয়ে মূৰত ফলমূলৰ পাচি লৈ গৈ আছে ।

(খ) এজন ফেঁকুৰি বা বেলুন/খেলা-ধূলাৰ সামগ্ৰী বিক্ৰেতাৰ চাৰিওফালে মানুহ ভিৰ কৰিছে ।

(গ) এজন পথচাৰী খাদ্য বা জলপান বিক্ৰেতাৰ দোকানৰ ওচৰত মানুহ আছে ।

(গ) পথত অট'ৰিক্সা, চাইকেল ৰিক্সা (য'ত মানুহ উঠি আছে), কাৰ আৰু বাছৰ চলাচল দেখা গৈছে ।

(ঘ) ফুটপাথেৰে মানুহ অহা-যোৱা কৰি আছে ৷

কওঁ আহা -

➢ পদুমনি গাঁওখনৰ লগত এই নগৰখনৰ কি কি পাৰ্থক্য দেখা পাইছা ?

উত্তৰ: পদুমনি গাঁওখন শান্ত আৰু সেউজীয়া। গাঁৱত খেতি-পথাৰ আৰু গছ-গছনি বেছি দেখা যায়। আনহাতে নগৰত ডাঙৰ ডাঙৰ অট্টালিকা, দোকান-পোহাৰ, যান-বাহন আৰু বিভিন্ন অনুষ্ঠান-প্ৰতিষ্ঠান বেছি দেখা যায়।

➢ নগৰ উন্নয়নৰ বাবে কাম-কাজবোৰ কোনে কৰে ?

উত্তৰ: নগৰ উন্নয়নৰ বাবে পৌৰসভা আৰু চৰকাৰৰ বিভিন্ন বিভাগে কাম-কাজ কৰে। নগৰৰ মানুহেও এই কামত সহায় কৰে।

আঁকো আহা -

তোমাৰ গাঁও বা চহৰখনৰ এটি ভাল লগা দৃশ্য আঁকা -

উত্তৰ: তোমালোকে নিজে কৰা ৷

লিখোঁ আহা - 

উত্তৰ: তোমালোকে নিজে কৰা ৷ 

অভিভাৱক আৰু শিক্ষকৰ সহায়ত লিখা -

• তোমাৰ নাম
• তোমাৰ গাওঁ/চহৰখনৰ নাম -
• গাঁও পঞ্চায়ত/নগৰ সমিতি/পৌৰসভা/পৌৰনিগমৰ নাম -
• মৌজাৰ নাম -
• জিলাৰ নাম -
• ৰাজ্যখনৰ নাম -

উত্তৰ: তোমালোকে নিজে কৰা ৷

অনুশীলনী

১৷ উত্তৰ লিখা -

(ক) ডাক-ঘৰৰ চিঠি-পত্ৰ বিলোৱা মানুহজনক কি বোলে ?

উত্তৰ: ডাকোৱাল বোলে।

(খ) চিকিৎসালয়ত ৰোগীৰ চিকিৎসাৰ বাবে কোন কোন থাকে ?

উত্তৰ: চিকিৎসালয়ত ৰোগীৰ চিকিৎসাৰ বাবে ডাক্তৰ, নাৰ্ছ আৰু অন্যান্য স্বাস্থ্যকৰ্মী থাকে।

(গ) আইন-শৃংখলা ৰক্ষাৰ বাবে থকা অনুষ্ঠানটোৰ নাম কি ?

উত্তৰ: আৰক্ষী থানা।

(ঘ) দুটা ধৰ্মীয় অনুষ্ঠানৰ নাম লিখা ৷

উত্তৰ: 

১। মন্দিৰ

২। মছজিদ

২৷ 'ক' অংশত কিছুমান অনুষ্ঠান-প্ৰতিষ্ঠানৰ নাম আৰু 'খ' অংশত তাত আগবঢ়োৱা সেৱাৰ বিষয়ে খেলিমেলিকৈ দিয়া হৈছে ৷ কোনটো অনুষ্ঠানত কি সেৱা আগবঢ়োৱা হয় আঁচ্ টানি মিলোৱা -

৩৷ শুদ্ধ নে অশুদ্ধ লিখা -

(ক) এখন গাঁত কেইবাটাও চুবুৰি থাকে ৷

(খ) চিঠি-পত্ৰ আদান-প্ৰদান কৰা অনুষ্ঠানটোৰ নাম ডাক-ঘৰ ৷

(গ) পঢ়িবৰ কাৰণে কিতাপ, আলোচনী আদি থকা অনুষ্ঠানটোৰ নাম বিদ্যালয় ৷

(ঘ) এটা চুবুৰিত মাত্ৰ এটাহে পৰিয়াল থাকে ৷

(ঙ) আইন-শৃংখলা ৰক্ষা কৰা অনুষ্ঠানটোৰ নাম চিকিৎসালয় ৷

উত্তৰ: 

(ক) এখন গাঁৱত কেইবাটাও চুবুৰি থাকে।
উত্তৰ: শুদ্ধ ✅
(খ) চিঠি-পত্ৰ আদান-প্ৰদান কৰা অনুষ্ঠানটোৰ নাম ডাক-ঘৰ।
উত্তৰ: শুদ্ধ ✅
(গ) পঢ়িবৰ কাৰণে কিতাপ, আলোচনী আদি থকা অনুষ্ঠানটোৰ নাম বিদ্যালয়।
উত্তৰ: অশুদ্ধ ❌
শুদ্ধ উত্তৰ: পুথিভঁৰাল।
(ঘ) এটা চুবুৰিত মাত্ৰ এটাহে পৰিয়াল থাকে।
উত্তৰ: অশুদ্ধ ❌
(ঙ) আইন-শৃংখলা ৰক্ষা কৰা অনুষ্ঠানটোৰ নাম চিকিৎসালয়।
উত্তৰ: অশুদ্ধ ❌
শুদ্ধ উত্তৰ: আৰক্ষী থানা।

৪৷ তোমাৰ গাঁও বা চহৰখনৰ বিষয়ে পাঁটা বাক্য লিখা ৷

উত্তৰ: 

১। মোৰ গাঁওখন অতি সুন্দৰ আৰু শান্ত।

২। আমাৰ গাঁৱৰ চাৰিওফালে গছ-গছনি আৰু সেউজীয়া পথাৰ আছে।
৩। আমাৰ গাঁৱত বিদ্যালয়, চিকিৎসালয় আৰু ডাক-ঘৰ আদি আছে।
৪। গাঁৱৰ মানুহে মিলিজুলি বাস কৰে আৰু ইজনে-সিজনক সহায় কৰে।
৫। মোৰ গাঁওখনক মই বৰ ভাল পাওঁ ৷

৫৷ তোমাৰ গাঁও বা চহৰখনত আৰু কি কি সা-সুবিধা থাকিলে ভাল লাগিলেহেঁতেন লিখা ৷

উত্তৰ: মোৰ গাঁওখনত এখন ডাঙৰ পুথিভঁৰাল, উন্নত চিকিৎসালয়, শিশুৰ বাবে খেলপথাৰ, এখন ভাল বজাৰ, বিশুদ্ধ খোৱা পানীৰ ব্যৱস্থা আৰু উন্নত পথ থাকিলে মোৰ বৰ ভাল লাগিলেহেঁতেন। ইয়াৰ উপৰি গাঁওখন পৰিষ্কাৰ-পৰিচ্ছন্ন কৰি ৰাখিবলৈ ভাল আৱৰ্জনা ব্যৱস্থাপনাৰ ব্যৱস্থা থাকিলেও ভাল হ'লহেঁতেন।